50 ஓவர் உலக கோப்பை கிரிக்கெட் போட்டி தொடங்கும் நாள் அறிவிப்பு!! ரசிகர்கள் ஆரவாரம்!!
உலக கிரிக்கெட் ரசிகர்கள் ஆவலுடன் எதிர் பார்த்து காத்து கொண்டிருக்கும் போட்டிகளில் மிகவும் முக்கியமான ஒன்றுதான் உலக கோப்பை போட்டிகள். நான்கு வருடங்களுக்கு ஒரு முறை நடத்தப்பட்டு வந்தாலும், ஒவ்வொரு முறையும் ஏதோ புதிய போட்டிகள் காண்பது போல ரசிகர்கள் மத்தியில் ஒரு உற்சாகம் இருக்கும்.
நான்கு வருடங்களுக்கு ஒரு முறை ஒவ்வொரு நாட்டிலும் நடத்தப்பட்டு வரும் உலக கோப்பை இப்போட்டிகள், இந்த வருடம் இந்தியாவில் வரும் அக்டோபர் மற்றும் நவம்பர் மாதங்களில் நடைபெறவுள்ளது. தற்போது போட்டிகள் நடைபெறும் தேதிகள் மற்றும் மைதானம் குறித்த தகவல்கள் வெளியாகியுள்ளது.
அக்டோபர் மாதம் 5ம் தேதி முதல் போட்டி தொடங்கி, நவம்பர் மாதம் 19ம் இறுதி போட்டி நடைபெறும் என்றும், இதற்காக இந்திய கிரிக்கெட் வாரியம் போட்டிகள் நடத்துவதற்கு 12 இடங்களை தேர்வு செய்து வைத்துள்ளதாகவும், அனைவராலும் எதிர்ப்பார்க்கப்படும் இறுதி போட்டி அகமதாபாத்தில் உள்ள நரேந்திர மோடி மைதானத்தில் பகல் இரவு ஆட்டம் நடைபெறும் என்ற தகவல் வெளியாகி உள்ளது.
போட்டிகள் மிகவும் சுவாரஸ்யத்துடன் நடத்த திட்டமிட்டுள்ளதாகவும் இதற்காக 46 நாட்களில் 48 போட்டிகள் சென்னை, பெங்களூரு, டெல்லி, தர்மசாலா, கவ்காத்தி, ஹைதராபாத் , கொல்கத்தா, லக்னோ, இந்தூர், ராஜ்கோட், மும்பை, போன்ற மைதானங்களில் போட்டிகள் நடத்தப்படும் என்றும், போட்டிகளுக்கான டிக்கெட்கள் பற்றிய விவரம் விரைவில் அறிவிக்கப்படும் என்று இந்திய கிரிக்கெட் வாரிய தகவல்கள் தெரிவிக்கின்றனர்.
