நடிகை ஶ்ரீ திவ்யாவா இது? இணையத்தில் பரவும் புகைப்படம்! வாயை பிளக்கும் ரசிகர்கள்
கடந்த 2013 ஆம் ஆண்டு நடிகர் சிவகார்த்திகேயன் நடிப்பில் வெளியான படம் தான் வருத்தபடாத வாலிபர் சங்கம்.இது நடிகர் சிவகார்த்திகேயன் மற்றும் சூரி உள்ளிட்டோரின் நகைச்சுவை காட்சிகளை அதிகமாக கொண்ட திரைப்படம் என்பது குறிப்பிடத்தக்கது.
இந்த படத்தை இயக்குனர் பொன்ராம் இயக்கியிருந்தார்.கிராமத்து சாயலில் எடுக்கப்பட்ட இந்த திரைப்படம் அனைத்து தரப்பு மக்களிடமும் நல்ல வரவேற்பை பெற்று வசூலை வாரிக் குவித்தது.இதில் நடிகர் சிவகார்த்திகேயனுக்கு ஜோடியாக ஸ்ரீதிவ்யா நடித்திருந்தார் என்பது குறிப்பிடத்தக்கது.
இந்த படத்தின் மூலமாக தமிழ் ரசிகர்களின் மனதில் இடம் பிடித்த ஸ்ரீதிவ்யாவிற்கு அடுத்தடுத்து பல பட வாய்ப்புகள் வந்தன.அதில் குறிப்பாக ‘காக்கிச்சட்டை’, ‘ஜீவா’, ‘ஈட்டி’ உள்ளிட்ட படங்கள் குறிப்பிடத்தக்கவை. இவ்வாறு பிஸியாக இருந்த அவர் கடந்த 2017 -ஆம் ஆண்டு நடிகர் ஜீவா நடிப்பில் வெளியான ‘சங்கிலி புங்கிலி கதவ தொற’ என்ற படத்தில் நடித்த பிறகு வேறு எந்தப் படத்திலும் கமீட் ஆகாமல் இருந்தார்.
இதற்கு காரணமாக தமிழில் அறிமுகமான பல இளம் கதாநாயகிகளின் வருகையை கூறுகின்றனர். அவருக்கு தொடர்ந்து சரியான வாய்ப்புகள் எதுவும் கிடைக்காமல் இருந்தது. இந்தநிலையில்,சுமார் 3 வருடங்களுக்கு பிறகு, அவர் தற்போது புதிய படத்தில் நடிக்க ஒப்பந்தமாகியுள்ளார்.
பானா காத்தாடி’ படத்தின் இயக்குனரான பத்ரி இயக்கத்தில் நடிகர் கவுதம் கார்த்திக் நடிக்கவுள்ள புதிய படத்தில், ஸ்ரீதிவ்யா கதாநாயகியாக நடிக்கிறார். இப்படத்தின் படப்பிடிப்பானது விரைவில் தொடங்கவுள்ளது என்றும் கூறப்படுகிறது.
இதைத் தவிர மேலும் சில படத்தில், ஸ்ரீதிவ்யாவை நடிப்பதற்கான வாய்ப்புகள் உள்ளதாகவும் அதற்கான பேச்சுவார்த்தைகள் நடந்து வருவதாகவும் தகவல்கள் வெளியாகியுள்ளது. இதனையடுத்து வாய்ப்பில்லாமல் இருந்த அவர் தமிழ் சினிமாவில் அடுத்த ரவுண்டிற்கு தயாராகிவிட்டார் என்று பலரும் பேசி வருகின்றனர்.
இந்நிலையில் இவர் திரைப்படங்களில் நடிப்பதற்கு முன்பு ஆரம்ப காலத்தில் தெலுங்கு சீரியல் ஒன்றில் நடித்துள்ளார். அம்மணியின் அந்த புகைப்படங்கள் தற்போது இணையத்தில் தீயாக பரவி வருகின்றன.
இதனை பார்த்த ரசிகர்கள் நடிகை ஸ்ரீதிவ்யாவா இது..? நம்பவே முடியலையே என்று வாயை பிளந்து வருகிறார்கள்.