செல்லப் பிராணிளுக்கு இரயில் செல்ல ஆன்லைனில் டிக்கெட்!! வெளியான முக்கிய அறிவிப்பு!!
செல்லப் பிராணிகளான நாய், பூனை போன்ற விலங்குகளுக்கு இரயிலில் செல்வதற்கு ஆன்லைனில் இனி டிக்கெட் எடுப்பதற்கான முயற்சிகள் நடைபெற்று வருகின்றது.
நாம் நமது வீட்டில் நாய், பூனை போன்ற விலங்குகளையும் சில பறவை வகைகளையும் செல்லப் பிராணிகளாக வளர்த்து வருவது பழக்கமாக இருக்கின்றது. இந்த செல்ல பிராணிகளை பிரிந்து நம்மாலும் நம்மை பிரிந்து செல்லப் பிராணிகளாலும் இருக்க முடியாது. இதையடுத்து நாம் எங்கு சென்றாலும் செல்ல பிராணிகளை அழைத்து செல்வது வழக்கம்.
அந்த வகையில் நாம் இரயில்களில் பயணம் செய்யும் போது செல்லப் பிராணிகளை அழைத்து செல்வோம்.
இரயில் பெட்டிகளில் முதல் வகுப்பு ஏசி பெட்டியில் மட்டும் செல்ல பிராணிகளை அழைத்து செல்ல வேண்டும் என்றால் நாம் எப்பொழுது பயணம் செய்கிறோமோ அந்த நாள் நேரடியாக செல்ல பிராணிகளுக்கு டிக்கெட் வாங்க முடியும். இது நடைமுறையில் இருக்கின்றது.
இதையடுத்து செல்லப் பிராணிகளுக்கு ஆன்லைன் மூலமாகவும் டிக்கெட் முன்பதிவு செய்வதற்கு முயற்சிகள் மேற்கொள்ளப்பட்டு வருவதாக இரயில்வே வட்டாரங்கள் தெரிவித்திருக்கின்றன.
நாய், பூனை, குதிரை, யானை போன்ற விலங்குகளுக்கும் மற்றும் பறவை வகைகளுக்கும் இரயிலில் செல்ல ஆன்லைன் மூலமாக டிக்கெட் முன் பதிவு செய்வதற்கு பரிசீலனை நடைபெற்று வருகின்றது.
