பாலிவுட் நடிகைகளை பின்னுக்கு தள்ளி வாயடைக்க வைத்த சமந்தா!!
தமிழ் மற்றும் தெலுங்கு திரைத்துறையில் முன்னணி நடிகையாக ஒரு கலக்கு கலக்கி வருபவர் நடிகை ‘சமந்தா’.இவரின் அழகிற்கும்,நடிப்பிற்கும் ரசிகர்கள் பட்டாளம் ஏராளம்.
சாதாரணப் பெண்ணாக பிறந்து சாதனைப் பெண்ணாக உருவெடுத்த சமந்தாவின் வெற்றியின் ரகசியம் அவரது தன்னம்பிக்கையும்,விடா முயற்சியுமே .
ரவி வர்மனுடைய ‘மாஸ்கோவின் காவிரி’ திரைப்படத்தில் முதன் முதலாக நடித்தாலும், இவருடைய முதல் தெலுங்குத் திரைப்படமான ‘ஏ மாயா சேஸாவே’ படத்தில் நடித்து மிகவும் பிரபலமானார்.இதில் இவர் ‘ஜெஸ்ஸி’ என்னும் ஐதராபாத்தில் வசிக்கும் மலையாள கிருத்துவ பெண்ணாக நடித்திருந்தார்.இத்திரைப்படம் வெளியான பிறகு,சமந்தாவின் நடிப்பை பாராட்டி நாளிதழில் எழுத தொடங்கினர்.
“மக்களின் மனதை கொள்ளை கொள்பவள்” – சிபி என்ற இணையதளத்தில் இவரைப் புகழ்ந்து எழுதப்பட்டிருந்தது.
பின்னர் ரீமேக் படமான ‘விண்ணைத்தாண்டி வருவாயா’ என்ற திரைப்படம் மூலம் தமிழில் என்ட்ரி கொடுத்தார்.தனது அசாத்திய நடிப்பின் மூலம் தமிழ்,தெலுங்கில் உட்ச நடிகைகளில் ஒருவரானார் .
இளைஞர்களின் கனவுக்கன்னி,நம்பர் ஒன் நாயகி என்று சொல்லப்படும் இவர் பிலிம்பேர் விருது,நந்தி விருது ஆகியவற்றை பெற்றுள்ளார்.தமிழ் சினிமாவின் முன்னணி நடிகர்கள் ஆன விஜய்,சூர்யா,சிவகார்த்திகேயன்,விஜய் சேதுபதி,விக்ரம் உள்ளிட்டோருடன் நடித்தார். மேலும் ஹீரோக்கள் பலருக்கும் பிடித்த நடிகைகளில் ஒருவராக மாறினார்.
இந்நிலையில்,கடந்த 2017 ஆம் ஆண்டு தெலுங்கு நடிகர் ‘நாக சைதன்யா’வை காதலித்து திருமணம் செய்து நான்கு வருடங்கள் திருமண பந்தத்தில் இணைந்து வாழ்ந்தார்.பின்னர், இருவருக்கும் இடையே மனக்கசப்பு ஏற்ப்படவே கடந்த 2021 ஆம் ஆண்டு இருவரும் விவாகரத்து பெற்றுவிட்டனர்.
இதனால் மிகுந்த மன அழுத்தத்தில் காணப்பட்ட சமந்தா தன்னைத் தானே ஆறுதல் படுத்திக் கொண்டு தொடர்ந்து படங்களில் நடிப்பதில் மட்டும் கவனம் செலுத்தி வந்தார்.தெலுங்கு படமான ‘புஸ்பா’ வில் வரும் குத்து பாடலான ‘ஊ சொல்றியா மாமா ஊ ஊ சொல்றியா மாமா ‘ வில் அவரது நடனம் மற்றும் அணிந்திருந்த உடையால் ரசிகர்கள் அனைவரின் மனதையும் கிறங்கடிக்கும் படி செய்திருப்பார்.இப்படி, அழகு,நடிப்பு,நடனம்,உடை தேர்வு என்று அனைத்து கோணங்களிலும் ரசிகர்களின் மனதை ஆட்டிப் படைத்து வந்த சமந்தா தற்பொழுது ‘மயோசைடிஸ்’ என்ற அரிய வகை நோயால் பாதிக்கப்பட்டுள்ளார்.மேலும் ஓய்வில் உள்ள சமந்தா தனக்கு சிறிது ‘பிரேக்’ தேவைப்படுகிறது,6 மாதங்களுக்கு எந்த படங்களிலும் நடிப்பதாக இல்லை என்று தெரிவித்துள்ளார்.
இந்நிலையில், இந்தியாவிலேயே மிகவும் பிரபலமான பெண் நட்சத்திரம் யார்? என்ற கருத்துக்கணிப்பை ‘ORMAX MEDIA’ என்ற தனியார் நிறுவனம் கடந்த ஜூன் மாதம் நடத்தியது.அந்த சர்வேயில் ஆலியா பட்,தீபிகா படுகோன்,நயன்தாரா ஆகிய முன்னணி நடிகைகளை பின்னுக்கு தள்ளி நடிகை சமந்தா முதலிடத்தை பிடித்துள்ளார்.மேலும் இது தான் முதல் முறையா? என்றால் கிடையாது,அனைவரையும் வாயடைக்க வைக்கும் விதமாக தொடர்ந்து 8 ஆவது முறையாக இவ்விடத்தை தக்க வைத்து சாதனை படைத்துள்ளார்.மேலும் இது இவரது உழைப்பிற்கு கிடைத்த வெற்றி என்று அனைவரும் பாராட்டி வருகின்றனர்.
