‘தனுஷ் 51’ படத்தில் தெலுங்கு நடிகர் நாகார்ஜுனா!! படக்குழு அறிவிப்பு!!
தமிழ் திரையுலகில் முன்னணி நடிகர்களில் ஒருவராக இருப்பவர் தனுஷ்.இவர் கடந்த 2002 ஆம் ஆண்டு செல்வராகவனின் இயக்கத்தில் வெளியான ‘துள்ளுவதோ இளமை’ என்ற திரைப்படத்தின் மூலம் தமிழ் திரையுலகிற்கு அறிமுகமானார்.இதனை தொடர்ந்து தனது அசுர நடிப்பின் மூலம் தமிழ் ரசிகர்கள் மத்தியில் தனக்கென தனி அங்கீகாரத்தை பெற்றார்.நடிகர்,பாடகர்,தயாரிப்பாளர்,திரை கதையாசிரியர் என்று திறமையை வளர்த்து கொண்டு வரும் இவர் இதுவரை 48 படங்களில் நடித்து இருக்கிறார்.
இந்நிலையில் கேப்டன் மில்லர் மற்றும் தனுஷ் 50 உள்ளிட்ட படங்களில் தற்பொழுது பிஸியாக நடித்து வரும் இவர் அடுத்து தெலுங்கு இயக்குனர் சேகர் கம்முலா இயக்கத்தில் தனுஷ் 51 என்ற பெயர் வைக்கப்படாத படத்தில் நடிக்கவுள்ளார்.இப்படம் பான் இந்திய திரைப்படமாக உருவாகிறது.ஸ்ரீ வெங்கடேஸ்வரா சினிமாஸ் எல்எல்பி மற்றும் அமிகோஸ் கிரியேஷன்ஸ் பிரைவேட் லிமிடெட் தயாரிக்கும் இப்படத்திற்கு இசை புயல் ஏஆர் ரஹ்மான் இசையமைக்கவுள்ளார்.இப்படத்தில் தனுஷ்க்கு ஜோடியாக நடிகை ராஷ்மிகா மந்தனா நடிக்க இருக்கிறார் என்ற அதிகாரப்பூர்வ அறிவிப்பை படக்குழு ஏற்கனவே வெளியிட்டது.
இந்நிலையில் தற்பொழுது தெலுங்கு நடிகர் நாகார்ஜுனா அக்கினேனி தனுஷ் 51 படத்தில் முக்கிய வேடத்தில் நடிக்கவுள்ளார் என்ற அதிகாரபூர்வ தகவல் ஒன்றை படக்குழு அறிவித்துள்ளது.இதனை தொடர்ந்து இப்படத்தில் சாய் பல்லவியும் நடிக்க உள்ளதாக தகவல் வெளியாகியுள்ளது.இதனால் தனுஷ் ரசிகர்கள் கொண்டாட்டத்தில் உள்ளனர்.
