கீர்த்தி சுரேஷ்சுக்கும் ரிசார்ட் ஓனருக்கும் டும் டும் டும்!! பள்ளி காலத்தில் இருந்து காதலித்து வருவதாக தகவல்!
தமிழில் “இது என்ன மாயம்’ படம் மூலம் அறிமுகமான கீர்த்தி சுரேஷ் ‘ரஜினி முருகன்’ படத்தில் சிவகார்த்திகேயனோடு இணைந்து நடித்தார். பின்பு தளபதி விஜயுடன் ‘பைரவா’ போன்ற திரைப்படங்களில் நடித்து பிரபலமானார். மறைந்த நடிகை சாவித்திரி வாழ்க்கை கதையில் நடித்து தேசிய விருது பெற்றார்.
இவர் தமிழ் மட்டுமின்றி தெலுங்கு மலையாளம் அனைத்து மொழிகள் படங்களிலும் அதிகம் நடித்து உள்ளார். இவருக்கு நமது நெட்டிசன் பல சுவாரஸ்யமான காதல் கதைகளை வைத்துள்ளனர்.
அதில் கீர்த்தி சுரேஷ் இசைமைப்பாளர் அனிருத்துடன் நெருக்கமாக இருக்கும் புகைப்படத்தை வைத்து சிறிது காலம் பேசினர். அதன் பிறகு கேரள தொழிலதிபரை திருமணம் செய்ய இருப்பதாக ஒரு தகவல்களை பரப்பி அதை கீர்த்தி சுரேஷ் தரப்பினர் மறுப்பு தெரிவித்தனர் .
சமீப காலமாக தளபதியை கூட விட்டு வைக்கவில்லை. இந்த நிலையில் தற்போது கீர்த்தி சுரேஷின் பள்ளி கால நண்பரை நீண்ட காலமாக காதலித்து வருவதாகவும் அவர் கேரளாவில் சொந்தமாக ரிசார்ட் வைத்துள்ளதாகவும் தகவல்கள் வெளியாகி உள்ளன. ரசிகர்கள் தற்போது இதையாவது நம்பலாமா இல்ல வேணாமாடா என்ற நிலையில் கமெண்ட் செய்து வருகின்றனர்.