மீண்டும் இயக்குநராக அவதாரம் எடுக்கும் மிஷ்கின்!!! வில்லனாக நடிக்கவிருக்கும் பிரபல மலையாள நடிகர்!!!
இயக்குநராக மீண்டும் அவதாரம் எடுக்கும் மிஷ்கின் அவர்கள் அடுத்ததாக இயக்கும் திரைப்படத்தில் ஹீரோவாக நடிகர் விஜய் சேதுபதி நடிக்க நடிகர் ஜெயராம் அவர்கள் வில்லன் கதாப்பாத்திரத்தில் நடிக்கவிருப்பதாக தகவல்கள் கிடைத்துள்ளது.
இயக்குநர் மிஷ்கின் நடிகராக சமீபத்திய நாட்களில் நடித்து வந்த இயக்குநர் டேவிட் திரைப்படம் மூலமாக இசையமைப்பாளராகவும் அறிமுகமாகவுள்ளார். இயக்குநர் மிஷ்கின் இயக்கத்தில் நடிகை ஆண்ட்ரியா நடிப்பில் பிசாசு 2 திரைப்படம் உருவாகி இருக்கின்றது. நடிகர் சிவகார்த்திகேயன் நடித்த மாவீரன் திரைப்படத்தில் நடித்திருந்த இயக்குநர் மிஷ்கின் தற்பொழுது நடிகர் விஜய் நடிப்பில் வெளியாகவுள்ள லியோ திரைப்படத்தில் முக்கிய கதாபாத்திரத்தில் நடித்துள்ளார்.
இந்நிலையில் இவர் மீண்டும் இயக்குநர் மிஷ்கின் அவர்கள் திரைப்படம் இயக்கவுள்ளதாக தகவல்கள் வெளியாகி இருந்தது. இந்த திரைப்படத்தில் நடிகர் விஜய் சேதுபதி அவர்கள் ஹீரோவாக நடிக்கவுள்ளார். நடிகர் விஜய் சேதுபதி இயக்குநர் மிஷ்கின் கூட்டணியில் உருவாகும் இந்த திரைப்படத்தை கலைப்புலி எஸ்.தானு அவர்கள் தயாரிக்கின்றார்.
இந்நிலையில் இந்த திரைப்படத்தில் நடிகர் விஜய் சேதுபதி அவர்களுக்கு வில்லனாக நடிக்க பிரபல மலையாள நடிகர் ஜெயராம் அவர்கள் நடிக்க ஒப்பந்தம் செய்யப்பட்டு உள்ளார் என்று தகவல் கிடைத்துள்ளது. இந்த திரைப்படத்தின் படப்பிடிப்பு நடிகர் விஜய் சேதுபதி அவர்கள் கால்ஷீட் கிடைத்தவுடன் தொடங்கவுள்ளதாக தகவல்கள் கிடைத்துள்ளது.
மார்க்கோனி மத்தாய் என்ற மலையாள திரைப்படத்தில் நடிகர் விஜய் சேதுபதி அவர்களுடன் இணைந்து நடிகர் ஜெயராம் அவர்கள் நடித்திருந்தார். அதன் பிறகு நடிகர் ஜெயராம் அவர்கள் இந்த திரைப்படத்தில் இரண்டாவது முறையாக நடிகர் விஜய் சேதுபதி அவர்களுடன் இணைந்து நடிக்கவுள்ளார். அது மட்டுமில்லாமல் பொன்னியின் செல்வன் என்ற திரைப்படத்தில் நடித்த பிறகு நடிகர் ஜெயராம் நடிக்கவுள்ள அடுத்த தமிழ் திரைப்படம் இது என்பது குறிப்பிடத்தக்கது.
